O Camiño por Cee
A primeira ventá ao mar
Cee preséntase como a primeira conexión co mar para os peregrinos que, desde Santiago, dirixen os seus pasos cara á Fin do Mundo. A viaxe polo territorio ceense comeza coa chegada á Capela de San Pedro Mártir e a súa fonte milagreira, un espazo de descanso e espiritualidade.
Desde alí, o sendeiro avanza cara ao Monte da Armada, onde os camiñantes son marabillados pola súa primeira visión do Océano Atlántico, co Cabo Fisterra debuxándose no horizonte. O percorrido continúa cun descenso cara a Brens, levando aos peregrinos a cruzar a coñecida vila de Cee, repleta de vitalidade e punto neurálxico na comarca en canto ao sector servizos, antes de despedirse temporalmente deste Concello.
Máis adiante, xusto antes de alcanzar Fisterra, os peregrinos volverán sentir a hospitalidade de Cee ao pasar por Estorde, consolidando esta terra como unha compañeira inesquecible na súa travesía cara ao infinito Atlántico.
Lires: A Xoia Agochada entre Fisterra e Muxía
Na súa travesía cara a Muxía, os peregrinos atopan en Lires un recuncho de soño onde a ría máis pequena de Galicia desprega toda a súa beleza. Este paraxe singular invita a descubrir os impoñentes Acantilados de Canosa, que se erguen con maxestosidade fronte ao Atlántico, e a seguir o curso do río Castro ata a súa desembocadura, onde a forza do océano se entrelaza harmoniosamente coa serenidade do río. Un alto no camiño que namora a todo aquel que o visita.
Servizos
Cee é o corazón do sector servizos da comarca. A vila non só se ergue como un reclamo turístico, senón que tamén se converte nunha parada práctica para aqueles que precisan descansar e facer do seu Camiño unha experiencia máis sinxela e cómoda.
A continuación, detallamos unha serie de recursos que che poden resultar de utilidade se estás a facer o Camiño:
- Hospital Virxe da Xunqueira de Cee.
- Farmacia Represas.
- Farmacia María del Carmen Romo Lage.
- Farmacia Guillén.
- Centro Comercial Finis Terrae.
- Mercado Municipal de Cee.
- Cafetarías e restaurantes.
- Aloxamento.
- Caixeiro Sabadell Bank.
- Caixeiro BBVA.
- Caixeiro CaixaBank.
- Caixeiro Banco Pastor.
- Caixeiro ABANCA.
- Oficina de Turismo de Cee. (Temporal)
- Panel de información turística.
- Estación de autobuses.
- Servizos Pet Friendly.